Ze swjatočnej Božej mšu na patronatnym swjedźenju Marije kralowny róžowca njedźelu, 6. oktobra 2024, bu w našej wosadźe Bratstwo swjateho róžowca wozrodźene. Tale zhromadnosć wěriwych wobsteji w Radworju hižo dlěje hač 130 lět. Wjace hač 1.000 čłonow je w knize modlerjow zapisanych. Z wozrodźenjom bu 16 nowych sobustawow do Radworskeho Bratstwa swjateho róžowca přiwzatych. Nimo wosadnych su to tež wěriwi z druhich serbskich wosadow.

Kóžda a kóždy je wutrobnje přeprošeny, so zhromadźenstwu přidružić a z modlenja róžowca duchownu móc čerpać