Ze swjatočnej Božej mšu na patronatnym swjedźenju našeje wosady Marije kralowny róžowca, njedźelu, 6. oktobra 2024, bu bratrowstwo róžowca wozrodźene.
Tuta zhromadnosć wěriwych w Radworju je hižo starša hač 130 lět. Wjace hač 1.000 čłonow bratstwa su w knize modlerjow zapisanych. W běhu znowa-załoženja přiwzachu so 16 nowych čłonow do bratstwa róžowca, mjez nimi tež wěriwi z druhich serbskich wosadow.

Kóžda a kóždy je wutrobnje přeprošeny, so modlerskemu zhromadźenstwu přizamknyć a z modlenjom róžowca duchownu móc čerpać.