Křćeńca je zakład křesćanskeho žiwjenja, zachodne wrota k žiwjenju w Swjatym Duchu a k druhim sakramentam. Chceće-li swoje dźěćo wukřćić dać abo sami křćeni być, nawjazajće prošu kontakt z fararjom.

• Křćenska rozmołwa
• Termin křćeńcy: sobotu popołdnju abo njedźelu k nyšporej
• Křćenske kmótry (mind. jedna / jedyn dyrbi katolski być)
• Ministranća z přiwuzneho / přećelskeho kruha móžni
• Swójbnu stajnu knihu sobu přinjesć
• Křćensku swěčku / křćenski šat wobstarać

Křćeńcy wotměwaja so w starej wosadnej cyrkwi. Prošu dorěčće swójske ideje ke křćenskej Božej słužbje z fararjom.

Sakrament woprawjenja resp. eucharistije je žórło a wjeršk cyłeho křesćanskeho žiwjenja.
„Jězus praji: Ja sym žiwy chlěb, kiž je z njebjes dele přišoł. Štóž wot tutoho chlěba jě, budźe žiwy hač do wěčnosće. " (Joh.6)

K prěnjemu swjatemu woprawjenju a prěnjej swjatej spowědźi so dźěći w 3. lětniku přihotuja.

• Přeprošenje na staršiski wječor nazymu
• Prěnjowoprawjenska wučba z přihotom na prěnju swjatu spowědź
• Swjatočnosć prěnjeho swjateho woprawjenja w našej wosadźe Běłu njedźelu

Přez sakrament firmowanja so wukřćeni dospołnišo z cyrkwju zwjazuja a z wosebitej mocu Ducha Swjateho wuhotuja. Su hišće krućišo winowaći, wěru jako wěrnych swědkow Chrystusa w słowje a skutku zdobom šěrić a zakitować.

• Firmowanje wšě 3 lěta za młodostnych 8. do 10. lětnika
• Přeprošenje na staršiski wječor nazymu
• Firmowanska wučba

Sakrament mandźelstwa je znamjo za zwjazk mjez Chrystusom a cyrkwju. Wón spožča mandźelskim hnadu, so mjez sobu z lubosću lubować, z kotrejž Chrystus cyrkej lubuje.

• Terminy wěrowanja su sobotu w 10:30 a 13:00 hodź., nic w adwentnym a póstnym času
• sčasom dojednanje terminow z fararjom
• Mandźelske seminary so poskićeja
• Wěrowanske swědki móžne
• Ministranća z přiwuzneho / přećelskeho kruha móžni
• hudźbne wuhotowanje / organist sam dorěčeć
• kwětkowu pychu prošu sami organizować, prošu dorěčenje z knjeni Markowej abo knjeni Kolze
• kwětkowu pychu na wołtarju prošu decentnje dźeržeć, zo by dostojnosć eucharistije wobchowana wostała
• Wěrowanska swěčka
• Fotograf (jenož jedyn)
• Swójbnu stajnu knihu sobu přinjesć

Prošu dorěčće swójske ideje z fararjom.

Die heilige Beichte ist das Sakrament der Buße und der Versöhnung mit Gott. Sie bietet die Möglichkeit, in einem vertraulichen und seelsorgerischen Gespräch mit dem Priester seine Lebenssituation zu reflektieren und sich mit Gott und sich selbst zu versöhnen.

Möglichkeiten zum Empfang des Bußsakramentes in unserer Gemeinde sind freitags, eine halbe Stunde vor dem Abendgottesdienst und samstags von 14:30 - 15:00 Uhr.

Přez swjate chorobne žałbowanje a modlitwu měšnikow poruča cyrkej chorych ćerpjacemu a překrasnjenemu knjezej, zo wón jich zruna a wumóže. Wona napomina, so ze swobodnych kruchow z ćerpjenjom a smjerću Chrystusa zjednoćić a tak na dobro ludu Božeho přinošować.

Zo byšće tutón sakrament přijimać móhli, wobroćće so prošu na fararja. Wobsteji móžnosć, so Njeswačanskej maćeri Božej doporučić, při tym so bjez mjena njedźelu k wozjewjenju po kemšach, wosadźe naležnosć znata a k próstwu přeprošuje.

Starši abo chori ludźo, kotřiž nimaja hižo móžnosć Božu słužbu w našich cyrkwjach wopytać, móža swjate woprawjenje doma přijimować. Chorobne woprawjenje so jónu wob měsac dari.

Po potrjebje nawjazajće prošu kontakt z fararjom.

Hdyž sće lubeho čłowjeka přez smjerć zhubił, wuprajamy Wam naše sprawne sobužarowanje.

W padźe žarowanja wobroćće so prošu na fararja a dorěčće:

• Wotběh pohrjeba, inkluziwnje liturgiskeho přihotowanja
• Terminowe planowanje
• Składnosć k modlenju róžowca
• Nošerjo ze kruha susodstwa / přećelow wupřate
• hudźbny přewod
• Ministranća z přiwuzneho / přećelskeho kruha móžni
• W našej wosadźe so njedźelu po pohrjebje za zemrěteho spěw spěwa a k prěnjemu lětnemu wopomnjeću Boža mša swjeći. Prošu nawjazajće k tomu kontakt z fararjom.
  
  

Bože mšě za zemrětych móža so stajnje spočatk lěta skazać.